बढिरहेको सम्बन्धविच्छेद र सामाजिक अवस्था

Abstract

मानव सभ्यता र संस्कृतिको विकासक्रमको साथ साथै आज मानव समाज पनि झन–झन जटिल बन्दै गइरहेको छ । यसैगरी समयको परिवर्तनको साथसाथै मानिसहरूको कार्य क्षमता, भूमिका र शैलीमा पनि परिवर्तन आउँदै गएको छ । यस अध्ययनको मुख्य उद्देश्यलाई प्राप्त गर्न विभिन्न पद्धतिहरू अपनाइएको छ । गुणात्मक तथा मात्रात्मक प्रवृत्तिका आवश्यक तथ्याङ्कहरू सङ्कलन गरिएको छ । यस अध्ययनले काठमाडौं जिल्ला भित्र भएका सम्बन्धविच्छेद भएका महिलाहरूको कारण र परिणामहरूप्रति समाज, सरोकारवाला, संघसंस्थाहरूको सामाजिक, सांस्कृतिक, मनोविज्ञान अवस्थाको जानकारी लिनु हो । तथ्याङ्क सङ्कलन गर्ने क्रममा अन्तर्वार्ता, अवलोकन, प्रश्नावली जस्तो प्राविधिहरू प्रयोग भएका छन र यसै माध्यमबाट सम्बन्ध विच्छेद कर्ताको पारिवारिक पृष्ठभूमि, उनीहरूको अवस्था, समाज आफन्तका मनोवृत्ति बुझ्ने प्रयास पनि गरिएको छ ।