चुली उपन्यासमा अस्तित्ववाद
Keywords:
अस्तित्ववाद,, एक्लोपन,, चुली, जीवनको अर्थ, सरस्वती,, स्वतन्त्रता।Abstract
अस्तित्ववाद मानव अस्तित्व, स्वतन्त्रता, जिम्मेवारी, एक्लोपन र जीवनको अर्थ खोजीमा केन्द्रित आधुनिक दार्शनिक चिन्तन हो। सरस्वतीद्वारा रचित चुली उपन्यास नेपाली साहित्यमा अस्तित्ववादी चेतनाको सशक्त अभिव्यक्ति हो। यस अध्ययनको उद्देश्य चुली उपन्यासमा अभिव्यक्त एक्लोपन, स्वतन्त्रता, पीडा, विद्रोह र अर्थ खोजीको पहिचान र विश्लेषण गर्नुका साथै जाँ-पल सार्त्र र अल्बेयर कामुको अस्तित्ववादी दर्शनको सैद्धान्तिक आधारमा चुली उपन्यासका पात्र, कथावस्तु र मानसिक द्वन्द्वको अध्ययन गर्नु हो। उपन्यासमा चित्रित एक्लोपन, पीडा, स्वतन्त्रता चिन्तन, जिम्मेवारी बोध र अर्थ खोजीका जीवनगत संघर्षहरू गुणात्मक पद्धतिद्वारा विश्लेषण गरिएको छ। प्रस्तुत अध्ययनबाट चुली ले जीवनलाई पूर्वनिर्धारित अर्थहीन मानेर पनि मानवीय चेतना र कर्ममार्फत अर्थ निर्माण गर्न सकिने दर्शन प्रस्तुत गरेको निष्कर्ष निकालिएको छ।
