नेवाः व तामाङ जातिया स्वापू
DOI:
https://doi.org/10.3126/nepalbhasha.v4i2-3.82511Keywords:
नेवाः व तामाङ, याम्बु, खुसि, ऐति हसिक भाषावि ज्ञान, भाषि क व्युत्पत्ति, स्वापAbstract
नेवाः व तामाङ जाति नेपाःया आदिवासी खः । नेवाः जातिया घनत्व नेपाःगाःया दथुइलाक दुसा स्वयम्भु, खास्ती व डांडाय् तामाङ जातिया पुलांगु बसोवास दु । नेवाःजातिया ऐतिहासिक थाय् मूलतः नेपालमण्डल खः । भाषिक, संस्कृतिक, सामाजिक, धार्मिक आदि नेवाः राष्ट्र नेपाःगाः हे खः। नेपाःगालय् नेवाः १२म्ह थकू जुजुपिनिगु संघीय शासन प्रणाली खनेदु । नेवाः राष्ट्रया भाय् नेपालभाषा खः । तामाङ जातिया ऐतिहासिक थाय् मूलतः ताम्सालिङ खः । अथे हे ताम्सालिङ दुने तामाङ जातिया सांस्कृतिक, भाषिक व धार्मिक लागाकथं १२म्ह थकू जुजुपिनिगु स्वंगू शासकीय लागा दु । उकियात १२ गोर्स्याङ्, १२ लाच्याङ् व १२ तेमाल धाइ । थ्व स्वंगू प्रादेशिक शासकीय स्वरूप सांस्कृतिकरूपय् दनि । थ्व १२म्ह थकू जुजुपिनिगु स्वंगू लागाः भाषिक, सांस्कृतिक, व भौगोलिक भेद नं केनातःगु दु । थ्व अध्ययन नेपाःगाःया जःखःया जिल्ला व याम्बु लागा (येँ, यल व ख्वप) भौगोलिक लागा खः । तामाङ व नेवाः जातिया स्वापू विषयगत लागा खः । अध्ययन ज्वलंकथं सफू, च्वसू, शोध, अनुसन्धान प्रतिवेदन, प्राचीन अभिलेख व इन्टरनेट प्रविधि नेट्नोग्राफि विधि छेलाः मुंकागु दु । मुंगु सूचं ऐतिहासिक भाषाविज्ञानया भाषिक परिवर्तन, तुलनात्मक विधि छेलाः दुवालागु दु । थ्व च्वसुइ ऐतिहासिक भौगोलिक शासकीय स्वरूप व व्यवस्थाया तुलना यानाः निगू जाति दुनेया मंकाः स्वापूया
आधार लुइकूगु दु ।
