विदेशया यात्रा, स्वदेशया लुमन्ति पर्यावरणया चिन्तन

Abstract

छगू थासं मेगु थासय् वनीगु ज्या यात्रा खः । यात्रा याना: थःम्हं खंगु दृष्य, भोगय्‌ याःगु अनुभव, अनुभूति संयोजन याना: रागात्मक भाषां सृजना याइगु गद्य च्वसु नियात्रा साहित्य खः । प्रताप मल्लया प्रतापपुरया शिलालेखय् उल्लेख जूगु महामञ्जुश्रीया नेपाल यात्रा वर्णन नेपालभाषाया नियात्रा साहित्यया विजारोपण खः । धर्मलोक स्थविरया महाचीनयात्रा (ने.सं. १०७०) न्हापांगु नियात्रा साहित्य खः । जिगु विदेशया यात्रा स्वदेशया लुमन्तिइ पर्यावरणया चिन्तन नियात्रा सफू घनश्याम राजकर्णिकारया थीथी नियात्रा सफूती दुथ्याःगु १० पु नियात्रा छथाय् मुनाः नेपालभाषां अनुवाद यानातःगु खः । थ्व सफूती दुथ्याःगु पर्यावरणया अध्ययन थ्व च्वसुइ जूगु दु । थ्व सफूती प्रयाप्त पर्यावरणीय दृष्यया सरल चित्रण नापं मानव व प्रकृति दथुया अन्तरङ्ग सम्बन्धया चर्चा दु । थथे हे च्वमिया प्रकृतिमैत्री भावना, पर्यावरणीय सचेतना, प्रकृतिप्रति अटल अनुराग खनेदु । मानव सदां पर्यावरणमैत्री भावनां ओतप्रोत जुइमाः, प्रकृतिप्रति अनुराग सद्भाव तयाः सत्कर्मपाखे न्हेच्यूसा मानव जीवन सरल सहज सफल यापन जुइ धैगु हे नियात्राकारया सन्देश खः ।