प्रगतिवादया मिखाय् 'द पोष्टर'

Abstract

थ्व आलेखय् उपन्यास कृति 'द पोष्टर' यात प्रगतिवादी दृष्टिकोणं विश्लेषण याय्‌गु कुतः जूगु दु । उपन्यासया बाखंचूकथं पञ्चायतकालय् भूमिगत बामपन्थी राजनीति याःम्ह कमरेड जसवीरया परिवार अर्थात अबुया पलाख्वाय् लिनाजूम्ह चिधिकःम्ह म्ह्याय् ज्योति व राजनीतिनाप तापाना गरिब ल्वगि मनूतय्‌गु सेवाय् समर्पित तःधिम्ह म्ह्याय् करुणया जःखः चाःहिलाच्वंगु दु । ज्योतिया मार्फत पञ्चायत इलय् शासन सत्ताया विरुद्ध जनताया मुक्तिया नितिं ज्यान पानाः ल्वाःपिं थः हे शासक जूबलय् पुलापिं शासकतय्‌गु हे चरित्र ग्रहण याःम्ह बिडम्बनापूर्ण पात्रया चित्रण जुयाच्वंगु दु । मेम्ह पात्र करुण मानवीय सेवाय् पूर्ण समर्पित तर थः केहेँया भौतिक मृत्युसिबें नैतिक व राजनैतिक पतनं आहत जुयाः थः अबु जसवीरं
खंगु जनताया मुक्तिया म्हगस छन्हु पूवनीतिनि धैगु आसाया सन्देश ब्यूम्ह खनेदु । उपन्यासय् न्हेथनातःपिं पात्र, ई व परिबेशं थ्व कृतिया प्रगतिवादया मिखां विश्लेषण आलेखन जूगु दु । उपन्यासय् सामाजिक द्वन्द्व, व वर्गीय द्वन्द्वया अभाव खनेदु अले अन्तय् नायिकाकथं खनेदुम्ह करुणयाके वर्गसमन्वयवादी चिन्तन व चरित्र खनेदयाच्वंगु दु । उपन्यासयात सामाजिक यथार्थवादी धलखय् तय्‌फइगु खनेदु ।