जिरी नगरपालिकाको पर्यटन प्रवद्र्धनमा स्थानीय राजनीतिक नेतृत्व र निकायको भूमिका {Local in tourism promotion of Jiri municipality Role of Political Leadership and Institutions}

Abstract

वर्तमान समयमा पर्यटन प्रबद्र्धन अन्तर्राष्ट्रिय सम्बन्ध र आर्थिक विकासका लागि संसारले महसुस गरेको सर्वाधिक महत्वपूर्ण आवश्यकता हो । संसारका जुनसुकै मुलुकमा पनि पर्यटनलाई अन्तराष्ट्रिय सम्बन्धको विकास र विदेशी मुद्रा आर्जन गर्ने महत्वपूर्ण उद्योग एवम् व्यवसायका रूपमा लिन थालिएको छ । यसै वास्तविकतालाई मध्यनजर गरी नेपालमा पनि वैदेशिक मुद्रा आर्जन गर्ने एकमात्र बलियो विकल्पका रूपमा पर्यटनलाई उद्योग व्यवसायका दृष्टिले हेर्ने गरिएको छ । वास्तवमा नेपालको सन्दर्भमा पर्यटन त्यो उद्योग हो जो पर्यटकहरूको नेपाल आगमनको संङ्ख्यामा निर्भर रहन्छ । नेपालका विभिन्न पर्यटकीय गन्तब्यहरुमध्ये दोलखा जिल्लाको जिरी गाविस प्राकृतिक एवम् सांस्कृतिक दुवै दृष्टिकोणले निक्कै महत्वपूर्ण मानिन्छ । यो क्षेत्रको जति सम्भावना छ त्यसको पूर्णरुपमा सदुपयोग भने हुन सकेको छैन । यस सन्दर्भमा स्थानीय राजनीतिक दल, नेतृत्व र निकायले के कस्तो भूमिका निर्वाह गर्नु पर्ने हो भन्ने विषयको विश्लेषणका लागि जिरी नगरपालिकाको पर्यटन प्रवद्र्धनमा स्थानीय राजनीतिक नेतृत्व र निकायको भूमिका शीर्षकको यो लेख तयार पारिएको हो ।