नजन्मेका आस्थाहरू कवितासङ्ग्रहका कवितामा आमूल नारीवादी चेतना {Radical Feminist Consciousness in the Poems of Najanmeka Asthaharu Poetry Collection}

Abstract

प्रस्तुत अध्ययन कवि उषा शेरचनका नजन्मेका आस्थाहरू कवितासङ्ग्रहभित्र रहेका कविताहरूमा अभिव्यक्त आमूल नारीवादी चेतना अध्ययनसँग सम्बन्धित छ । नारीहरूमाथि हुने गरेका सबै प्रकारका शोषण, दमनको विरोध गरी नारी हक, हितका पक्षमा वकालत गर्ने अवधारणामा आधारित वाद नारीवाद हो । आमूल नारीवाद यसमा आधारित नवीन अवधारणा हो । यस सङ्ग्रहका कवितारुमा के कस्तो आमूल नारीवाद अभिव्यक्त आएको छ भन्ने प्राज्ञिक समस्या समाधान गर्नु नै यस अध्ययनको मुख्य उद्देश्य हो । यस अध्ययनबाट नजन्मेका आस्थाहरू कवितासङ्ग्रहभित्र रहेका प्रायः सबै कवितामा नारीवादी चेतना सशक्त रूपमा आएको निष्कर्ष निकालिएको छ । यी कवितामा नारीमाथि हुने गरेका शोषण, दमन र हिंसाका विरुद्धमा विद्रोही तथा प्रतिरोधी स्वरहरू पनि सशक्त रूपमा आएका छन् । प्रायः कविताहरूमा नारीका उत्पीडनलाई नै बिषयवस्तुको केन्द्र बनाइएको छ । नारीका पक्षमा वकालत गरिएका यी कविवताहरूले समग्र नारीहरूलाई चेतना थपिदिएको निष्कर्ष निकालिएको छ ।