हिउँमा लेखिएका नामहरू कवितामा लयविधान {Hiunma Lekhiyeka Namharu Kabitama Layabidhan}

Abstract

‘हिउँमा लेखिएका नामहरू’ मुक्त लयमा आधारित एउटा छोटो गद्यकविता हो। लयविधानका परम्परागत एवं शास्त्रीय नियमहरूको बन्धनमा नबाँधिएको यस कवितामा सहज, स्वतःस्फूर्त र अनियोजित रूपमा मुक्त लयको सघन तीव्रता रहेको छ । यस कवितामा विषम आयामिक पङ्क्तिविन्यास, पदक्रम विचलन र लेख्यचिह्नको प्रयोगबाट लयप्रवाहलाई नियमन गरिएको छ भने समानान्तरता तथा सामान्य भाषिक आवृत्ति लयविधानका मूल कारकका रूपमा रहेका छन्।कवितामा मुक्त लयको उत्पादन, नियमन, व्यवस्थापन र अग्रभूमीकरणका लागि समग्र लयविधायक तत्वहरूको एकीकृत सहकार्यबाट निर्मित लयगत एकत्वको निर्णायक भूमिका रहेको छ ।