सनातन धर्ममा तपस्वी जीवन, तन्त्र साधना, भक्ति मार्ग र कर्म योगः निर्वाण उपनिषद र भगवद गीताका दृष्टिकोण: एक विष्लेषणात्मक अध्ययन

Abstract

शैव धर्मका विविध अभ्यासहरू, विशेष गरी तपस्वी जीवन, तन्त्र साधना, भक्ति मार्ग र कर्म योग, आध्यात्मिक मुक्ति र आत्म–प्राप्ति प्राप्त गर्नका लागि महत्त्वपूर्ण पद्धतिहरूको रूपमा रहेका छन्। भगवद गीता र उपनिषदले यिनै मार्गहरूलाई स्पष्ट पार्दै, भक्तिको माध्यमबाट परमात्मा शिवसँगको एकता प्राप्ति र कर्म योगको माध्यमबाट जीवनका कर्तव्यहरूको निर्वाह गर्दै आत्म–साक्षात्कारका बाटो खोल्छ । तपस्वी जीवनले कडा अनुशासन, इन्द्रिय नियन्त्रण र त्यागको अभ्यास गर्न प्रेरित गर्दछ, जसले आत्मज्ञान र शिवसँग एकताको दिव्य अनुभवलाई सम्भव बनाउँछ। तन्त्र साधना, विशेष गरी भैरव तन्त्र र शक्ति तन्त्रका माध्यमबाट, भक्तलाई शिव र शक्तिका गहिरा रहस्यहरूको अनुभूति प्राप्त हुन्छ । शैव धर्ममा, भक्तले ध्यान र पूजा मार्फत शिवसँगका सम्बन्धलाई प्रगाढ बनाउँछन्, र तान्त्रिक अभ्यासहरूले यी अभ्यासहरूलाई अझ गहिरो बनाउँछन्। उपनिषद र भगवद गीता का शिक्षा अनुसार, यथार्थको खोजीमा परित्याग र आत्म–संयम अत्यन्त आवश्यक छन्, र आत्मज्ञान प्राप्ति केन्द्रीय उद्देश्य हो। यस अध्ययनले शैव धर्मका भक्ति मार्ग, कर्म योग, तपस्वी जीवन र तन्त्र साधनाका विविध आयामहरूको समग्र अन्वेषण गरेको छ, जसले आध्यात्मिक मुक्ति र साक्षात्कारका मार्गमा सन्देश दिएको छ ।