नैकापे सर्किनी कथामा सन्देश व्यवस्था

Abstract

प्रस्तुत अनुसन्धानात्मक लेखमा कथाकार पारिजातको नैकापे सर्किनी कथालाई विश्लेष्य पाठको रूपमा लिई त्यसमा सङ्कथन अध्ययनका दृष्टिले केकस्ता सन्देशहरू छन् र ती कसरी व्यवस्थित रहेका छन् भन्ने कुरो मुख्य समस्याको रूपमा लिइएको छ । नैकापे सर्किनी कथामा रहेका सन्देशहरूको विश्लेषणबाट कथाको मुख्य सन्देश कसरी प्रकट भएको छ भन्ने कुराको खोजी गर्नु नै यस अध्ययनको मुख्य उद्देश्य रहेको छ । उक्त उद्देश्यलाई परिपूर्ति गर्नका खातिर यहाँ ह्यालिडे, क्लाउथड र म्याकार्थी लगायतका विद्वान्हरूको थिम र रिमसम्बन्धी सिद्धान्तहरूको उपयोग गरिएको छ । पूर्वज्ञात सूचना र नयाँ सूचनाहरूको निश्चित शृङ्खलाबाट कृतिमा सन्देश व्यवस्था शृङखलित हुन्छ र यस्ता सूचनाहरूलाई व्यक्ति, वस्तु, स्थान र कालका माध्यमबाट पाठमा व्यक्त गरिएको हुन्छ । यस कुरालाई नैकापे सर्किनी कथामा नैकापे सर्किनीको जीवन, उसले भोगिरहेको काल, स्थान र परिस्थितिका माध्यमबाट आपूmभित्र विकसित हुँदै गरेको समाज परिवर्तनको आग्रहलाई कथाकारद्वारा कलात्मक स्वरूपमा पाठकहरूसामु राखिएको निष्कर्ष निकालिएको छ ।