निजामती प्रशासनमा स्वास्थ्य सचेतना: जोखिम न्यूनीकरणको उपाय {Health Awareness in Civil Administration: Measures for Risk Reduction}

Abstract

सबल र सक्षम कर्मचारी संयन्त्रबाट नै राष्ट्रको समुन्नति, सुशासन र समृद्धि सम्भव छ। तसर्थ, राष्ट्रसेवक कर्मचारीलाई शारीरिक र मानसिक तबरले स्वस्थ, सबल, मर्यादित, उच्च नैतिकता र मनोबलका साथ काम गर्न सक्ने वातावरणको निर्माण गर्नतर्फ पनि सबैको ध्यान जानु आवश्यक छ।स्वस्थ र सबल जीवनयापन हामी सबैको चाहना हो। जनताको हितमा सेवा गर्ने कर्मचारीहरू स्वस्थ हुनु आवश्यक छ। दीर्घायु, खुसी र सुखी परिवार नै हाम्रा सर्वोपरि कुरा हुन्। हाम्रा स्वच्छ र सन्तुलित आहारविहारमा ध्यान नपुर्‍याउँदा कालान्तरमा जटिल रोगहरूको सिकार बनिरहेका छौँ। आकस्मिक स्वास्थ्य समस्या जुनसुकै बेला, जोसुकैलाई आइपर्न सक्छ। त्यस्तो संवेदनशील परिस्थितिमा स्वास्थ्य सम्बन्धी सामान्य सीप र विधिले जीवन रक्षा गर्न महत्त्वपूर्ण भूमिका खेल्न सक्छ।दैनिक जीवनमा आइपर्ने विभिन्न स्वास्थ्य समस्याहरूलाई तत्कालै उचित चिकित्सकीय व्यवस्थापन गर्न सकिएमा मानव जीवनलाई स्वस्थ, समृद्ध र सबल बनाउन सकिन्छ। आकस्मिक स्वास्थ्य सम्बन्धी ज्ञान र सचेतनाले आफू पनि बच्न र अरूलाई बचाउन मद्दत पुग्ने हुँदा स्वास्थ्यसम्बन्धी आधारभूत जानकारी हामी सबैले राख्नुपर्दछ।