पर्यावरणीय सौन्दर्यका दृष्टिले चुली उपन्यास

Abstract

प्रस्तुत अध्ययन उपन्यासकार सरुभक्तद्वारा लिखित चुली उपन्यासमा प्रयुक्त पर्यावरणीय खोजी गर्ने विषयसँग सम्बन्धित रहेको छ । यस उपन्यासमा हिमाललाई उचाइको प्रतीकका रूपमा चित्रण गरिएको छ । हिमाली सभ्यता, संस्कृति, सौन्दर्य, पर्यावरण र सार्वभौमिकता जस्ता कुराहरूलाई विशेष महत्व दिइएको यस उपन्यासमा विश्वको सर्वाेच्च शिखर सगरमाथा र त्यसको आरोहणमा संलग्न एउटा साहसिक ओराहीको अनुभवलाई मुख्य विषय बनाइएको छ । चुलीमा पुग्नको लागि हिमाल आरोहणका क्रममा देखा पर्ने विभिन्न चुनौतिहरूको सामना गर्नुपरे जस्तै मानव जीवनलाई सफल र सार्थक बनाउनको लागि सबै प्रकारका अप्ठ्याराहरूलाई पन्छाएर अगाडि बढ्नु पर्ने सन्देश यस उपन्यासमा व्यक्त गरिएको छ ।