भाषिक सिप सहजीकरणमा बहुबौद्धिकता

Abstract

प्रस्तुत लेख भाषा शिक्षणमा बहुबौद्धिकताको उपयोगसँग सम्बन्धित छ । प्रत्येक व्यक्ति आफैँमा क्षमतावान् र प्रतिभाशाली हुन्छन् । विद्यार्थीमा जुन प्रतिभा वा क्षमता छ त्यही आधारमा शिक्षण गर्नुपर्छ । गार्डनरद्वारा स्थापित बहुबौद्धिकताका सिद्धान्तका आधारमा भाषिक सिप सहजीकरणका क्षेत्र पहिचान गरी त्यसको उपयोगिता किटान गर्नु नै यस अध्ययनको मुख्य उद्देश्य हो । यस लेख निर्माणका लागि सैद्धान्तिक पद्धतिको उपयोग गरिएको छ । पूर्वकार्यको अध्ययनबाट प्राप्त सार वा ज्ञानका आधारमा लेख तयार गरिएकाले पूर्णतः द्वितीय स्रोतका सामग्रीमा आधारित छ । यसमा बौद्धिकताका प्रकारलाई चर्चा गर्दै भाषिक सिप सहजीकरणमा त्यसको अन्तर्सम्बन्ध कायम गरिएको छ । बहुबौद्धिकता प्रकारका रूपमा स्थापित भाषिक बौद्धिकता, तार्किक बौद्धिकता, दृश्यात्मक बौद्धिकता, शारीरिक गतिबोधक बौद्धिकता, साङ्गीतिक बौद्धिकता, अन्तरवैयक्तिक बौद्धिकता, आन्तरिक बौद्धिकता र प्राकृतिक बौद्धिकतालाई भाषिक सिप सहजीकरणमा उपयोग गर्न सकिने निष्कर्ष निकालिएको छ । बहुबौद्धिकता अनुकूल सिकाइ सहजीकरण सञ्चालनका लागि भाषा पाठ्यव्रmम निर्माता, पाठ्यपुस्तक लेखक तथा शिक्षकहरूको सव्रिmयता आवश्यक रहने देखिन्छ ।